free hit counter

සමාජ ජාලා මර්ධනය කරන, ගිණුම් වසා දමන පනතක් 19 වෙනිදා කැබිනට් මණ්ඩලයට

අසත්‍ය තොරතුරු පතුරුවන ව්‍යාජ සමාජ ජාලා ගිණුම් අක්‍රිය කිරීම, නැවත නැවතත් අසත්‍ය තොරතුරු පතුරුවන අන්තර්ජාල වෙබ් අඩවිවල ලාභ ලැබීමේ හැකියාවන් අඩු කිරීම, ඩිජිටල් වෙළෙඳ ප්‍රචාරණ විනිවිද භාවය සහ අසත්‍ය ප්‍රචාරයන් සිදුකරන අවස්ථාවලදී අන්තර්ජාල වේගය අවම කිරීම වැනි ක්‍රියාමාර්ග සඳහා විධිවිධාන ගැනීමට මෙම පනතින් යෝජනා කර ඇත.

අන්තර්ජාලය මගින් සිදුකරන අසත්‍ය හැසිරවීම් මගින් ආරක්ෂාවීමේ පනත් කෙටුම්පත ලෙස මෙය නම්කර ඇත.

රටේ හෝ යම් ප්‍රදේශයක ආරක්ෂාව සම්බන්ධයෙන්, මහජන සෞඛ්‍ය, මහජන ආරක්ෂාව, මහජන සාමය හෝ රාජ්‍ය මුදල් සම්බන්ධයෙන් රජය වෙනත් රාජ්‍යයන් සමග පවත්වන මිත්‍ර සබඳතා සම්බන්ධයෙන්, විවිධ පුද්ගල කණ්ඩායම් අතර සතුරුකම වෛරය හෝ නොමනාපය පිළිබඳ හැඟීම්වලට පෙලඹවීමකට, රජයේ යම් වගකීමක් හෝ කාර්යයක් ඉටු කිරීම හෝ යම් බලයක් ක්‍රියාත්මක කිරීම පිළිබඳ මහජන විශ්වාසය හීන කිරීමට යන කරුණු කෙරෙහි නීති සකස් කිරීමට කෙටුම්පතෙන් යෝජනා කර ඇත.

අන්තර්ජාලයේ අසත්‍ය ප්‍රචාරයන්ට එරෙහිව ක්‍රියාමාර්ග ගැනීම සඳහා වන මෙම පනත් කෙටුම්පත ඇමැති මණ්ඩලයට යොමු කළ බව අධිකරණ අමාත්‍යාංශය අනාවරණය කරයි.

Facebook Comments