free hit counter

ලංකාවේ කෑල්ලක් බිලියන පහකට විකුණයි

කොළඹ වරාය නගරය  වෙනුවෙන් ගොඩකරන ලද භූමියේ බිම් කැබලි 20ක් අලෙවි කර ඇමෙරිකානු ඩොලර් බිලියන 05ක  මුදලක් ඉපැයීමට බලාපොරොත්තු වන බව CHEC පෝට් සිටි කලම්බෝ පෞද්ගලික සමාගමේ සහකාර කළමනාකාර අධ්‍යක්ෂ තුල්සි අලුවිහාරේ ප්‍රකාශ කරනවා.

ශ්‍රී ලංකා රජය හා චීනයේ චයිනා හාබර් සමාගම හවුල් ව්‍යාපාරයක් ලෙස ඉදිකෙරෙන වරාය නගරයේ සම්පූර්ණ භූමි ප්‍රමාණය හෙක්ටයාර 100කි.

‘‘මෙම ඉඩම් කැබලි විස්සට හෙක්ටයාර හැටක පමණ භූමි ප්‍රමාණයක් අයත් වෙනවා. මෙම බිම් කොටස් විකිණීමෙන් හා ඒවායේ සිදු කෙරෙන ආයෝජනය මගින් පළමු අදියරේ දී අපේක්ෂා කරන මුදල ඩොලර් බිලියන පහක්.’’ යැයි සහකාර කළමනාකාර අධ්‍යක්ෂවරයා සඳහන් කළේ.

ආයෝජන මණ්ඩලයේ අනුමැතියකින් තොරව ආයෝජන වෙනුවෙන් අනුමැතිය ලබා ගැනීම සහ දීර්ඝ කාලීන බදු සහන ලබා දීම ඇතුළු මෙරට නීතියට නව ප්‍රතිපාදන රැසක් එක් කෙරෙන වරාය නගරයට අදාළ නව ආර්ථික කොමිෂන් සභාවක්ද ඇතුළත් පනත් කෙටුම්පත මේ වන විට අනුමැතිය සඳහා පාර්ලිමේන්තුවට ඉදිරිපත් කර ඇත.

Facebook Comments