free hit counter

චීනයේ ප්‍රථම අඟහරු රෝවරය “ චූ රොන්ග්”

චීනයේ ප්‍රථම අඟහරු රෝවරය “ චූ රොන්ග්” ලෙසට නම් කෙරේ. චීන ජාතික අභ්‍යාවකාශ පරිපාලනය විසින් එය නිවේදනය කරන ලදි.පැරණි චීන විශ්වාසයන්ට අනුව “ චූ රොන්ග්”යනු ගින්නට අධිපති දෙවියන් ය. එය චීන භාෂාවෙන් අඟහරු ග්‍රහයා හැඳින්වෙන අර්ථය ද නිරූපණය කරයි.මානව සංහතියේ පැරණි මුතුන් මිත්තන්ට ගින්දර මගින් උණුසුම සහ දීප්තිය ගෙන එන ලදි. මානව ශිෂ්ඨාචාරය දීප්තිමත් කළේ ගින්දරෙනි. ගින්නට අධිපති දෙවියන්ගේ නමින් චීනයේ ප්‍රථම අඟහරු රෝවරය නම් කිරීමෙන් අඟහරු ලොව ගවේශණය කිරීම‍ චීන මුලපිරුමේ ගිනිසිළුව පහන් දල්වා ඇතැයි චීන ජාතික අභ්‍යාවකාශ පරිපාලනයේ උප පරිපාලක වූ යන්හුවා මහතා පැවසීය. චීනයේ අඟහරු ගවේශන යානය වන ටියැන්වන් 1 යානය 2020 වසරේ ජූලි 23 වෙනිදා නිකුත් කෙරිණ. එය පෙබරවාරි 24 වෙනිදා අඟහරු කක්ෂයට ඇතුළු විය.මැයි මාසයේ දී අඟහරු ග්‍රහයා මතට සුමුදු ගොඩබෑම වඩාත් අභියෝගාත්මක කාර්යය බව චීන ජාතික අභ්‍යාවකාශ පරිපාලනය සඳහන් කරයි.

ටියැන්වෙන් -1 හි විද්‍යාත්මක අරමුණු අතරට භූ විද්‍යාත්මක ව්‍යුහය සිතියම් ගත කිරීම, මතුපිට පාංශු ලක්ෂණ සහ ජල අයිස් ව්‍යාප්තිය විමර්ශනය කිරීම ඇතුළු කරුණු අයත් වෙයි.

Facebook Comments